NATO Çinə qarşı 1,1 milyard dollarlıq müharibə fondu ilə mübarizə aparacaq
Poliqon xəbər verir ki, bu barədə Financial Times nəşri məlumat yayıb.
Layihədə Alyansın 23 üzvü iştirak edir. NATO baş katibinin köməkçisi David van Viel bildirib ki, təşkilat xüsusilə Avropa ölkələrində yüksək texnoloji həllərin inkişafı üçün vençur kapitalına malik deyil. Onun sözlərinə görə, Şimali Atlantika Alyansı müdafiə şirkətlərinə investisiya üçün daha çox kapital ayırmağa hazırlaşır ki, onlar Çindən olan investorlara müraciət etməsinlər.
“Artıq 23 ölkə NATO-nun yaratdığı fondun iştirakçısına çevrilib, lakin ABŞ onların arasında deyil”, deyə van Viel qeyd edib.
Financial Times-ın məlumatına görə, fond süni intellekt, kosmos və biotexnologiyalardan istifadə etməklə layihələrin hazırlanması üzrə ixtisaslaşıb. Qəzet aydınlaşdırır ki, silahların maliyyələşdirilməsindən söhbət getmir. Fondun əsas məqsədi yeni texnologiyaların tətbiqi və NATO ölkələrinin müdafiə nazirlikləri arasında kommunikasiyaların gücləndirilməsidir.
Poliqon.info