Marin Le Pen Rusiyaya olan borcunu ödəyib
Poliqon xəbər verir ki, bu barədə The Financial Times məlumat yayıb. Nəşr qeyd edir ki, 2014-cü ildə alınan kredit Le Penin Kremlin təsiri altında olması ilə bağlı qorxuları artırıb.
Partiya xəzinədarı Kevin Pfefferin sözlərinə görə, Fransa tənzimləyicisinin təkrar yoxlamaları kreditin 2028-ci ilin sonuna qədər ödənilməli olduğunu və bunda “heç bir problemi olmadığını” təsdiqləyib. Lakin “Milli Birlik” partiyası bu məsələni keçmişdə buraxmaq qərarına gəlib.
Pfeffer, rəqiblərin artıq bu “pis niyyətli arqument”dən istifadə edə bilməyəcəyinə inanır.
“Partiya indi Rusiya kreditini ödəyə bilər, çünki ötən il Fransa Milli Məclisinə keçirilən seçkilərdə görünməmiş 88 mandat qazanıb və bu, dövlətdən hər il aldığı məbləği təxminən iki dəfə artıraraq 10 milyon avroya çatdırıb”, deyə “Milli Birlik” partiyasının xəzinədarı bildirib.
FT yazır ki, rəy sorğuları müntəzəm olaraq Le Penin ölkənin keçmiş Baş nazir Eduard Filipdən sonra ikinci ən populyar siyasətçi olduğunu göstərir. Le Pen 2027-ci ildə dördüncü dəfə prezidentliyə namizəd ola biləcəyini bildirib.
Poliqon.info