ISW: Kadırovla bağlı şayiələr Putinin Çeçenistandakı hakimiyyətinin sabitliyinə təsir edir
Poliqon xəbər verir ki, bu barədə Amerika Müharibə Araşdırmaları İnstitutunun (ISW) analitikləri yazır.
Ukrayna Müdafiə Nazirliyinin Baş Kəşfiyyat İdarəsi Kadırovun səhhətinin pis olması ilə bağlı məlumatı təsdiqləyib, eyni zamanda Rusiya mənbələri arasında Çeçenistan liderinin komada olması barədə şayiələr yayılıb. Bütün bunların fonunda Kadırov sentyabrın 17-də yayımlanan videoda səhhəti ilə bağlı yayılan şayiələri təkzib edib. Bununla belə, şayiələr yayılmaqda davam edir.
"Kadırovun Çeçenistandakı hakimiyyətini qeyri-sabitləşdirmək Putin rejiminə böyük zərbə olacaq. Bu, qismən onun Rusiyada ilk populyarlığı dövründə amansız və qanlı müharibə yolu ilə Çeçenistanda sabitliyin bərqərar olmasının nə qədər vacib olduğuna görədir. Kadırov və digər Rusiya rəsmiləri sağlamlıqla bağlı şayiələrin davam etməsinin onun Çeçenistan üzərində uzunmüddətli sabitliyinə və bununla da Putinin nəzarətinə təsir edəcəyindən narahat ola bilərlər", deyə analitiklər hesab edir.
Qeyd edək ki, son günlər internetdə Çeçenistan lideri Ramzan Kadırovun səhhətinin ciddi şəkildə pisləşməsi ilə bağlı şayiələr yayılıb və onun komada olduğu da bildirilir. Kadırovun xəstə olması barədə məlumatı Ukrayna kəşfiyyatı təsdiqləyib.
Sentyabrın 17-də səhər saatlarında Çeçenistan liderinin öldüyü barədə şayiələr yayılmağa başlayıb. Xüsusilə, çeçen hüquq müdafiəçisi Abubakar Yanqulbayev Kadırovun ölümü ilə bağlı məlumat verib.
Cavab olaraq Kadırovun "Telegram" kanalında video yayımlanıb, o, küçədə gəzir və “həqiqəti yalandan ayıra bilməyən”ləri də buna səsləyir.
Rusiyalı müxalifətçi Olqa Kurnosova əmindir ki, Kadırov ölməyibsə, deməli, onun vəziyyəti ağırdır və Çeçenistanın taleyini Kreml həll edəcək.
Poliqon.info