Putin Şimali Koreya lideri Kim Çen Inla “Vostok” kosmodromunda görüşüb
Poliqon xəbər verir ki, bu brədə “İnterfaks” Agentliyi məlumatında bildirilib. Agentliyin xəbərinə görə Şimali Koreya lideri Kim Çen In qatarla Amur vilayətindəki “Vostok” kosmodromunun dəmir yolu stansiyasına gəlib. Orada onu Rusiya prezidenti Vladimir Putin qarşılayıb. Onların görüşü yeni “Anqara” raketinin yığıldığı reaktiv daşıyıcının quraşdırılması və sınaq binasında keçirilib.
“İnterfaks” xəbər verir ki, iki ölkə liderləri qısa danışıblar. Onların kosmodromda bir sıra obyektlərə, o cümlədən “Soyuz-2” daşıyıcı raketinin buraxılış kompleksinə baxış keçirmələri gözlənilir. Kosmodromla tanışlıqdan sonra onun yerində müdafiə naziri Sergey Şoyqunun iştirakı ilə yüksək səviyyəli Rusiya-Koreya danışıqları aparılacaq. Kreml danışıqlardan sonra mətbuat konfransının planlaşdırılmadığını bildirib.
Qeyd edək ki, Kim Çen In dünən, sentyabrın 12-də Primorsk diyarının Xasan stansiyasına gəlib. Onu qubernator Oleq Kozhemyako və Təbii Sərvətlər Nazirliyinin rəhbəri Aleksandr Kozlov qarşılayıblar.
KXDR lideri bildirib ki, onun Rusiyaya səfəri ölkəsinin Rusiya ilə münasibətlərə strateji əhəmiyyət kəsb edən prioritet məsələ kimi diqqət yetirdiyini təsdiqləyir.
Poliqon.info