Dağıstanda kütləvi zəhərlənmə baş verib

Rusiya Federasiyasının Dağıstan Respublikasında kütləvi zəhərlənmə qeydə alınıb...

APA xəbər verir ki, bu barədə Rospotrebnadzorun mətbuat xidmətindən jurnalistlərə bildirilib.

"Avqustun 31-də Şamil rayonunun Kəhib kəndində mövluddan sonra ziyarətçilərin qidadan zəhərlənməsi baş verib. İkisi uşaq olmaqla 16 nəfər xəstələnib. Zərərçəkənlər qusma və ishal kliniki təzahürləri ilə xəstəxanaya yerləşdirilib", - məlumatda deyilir.

Ehtimala görə, infeksiyaya səbəb çiy yumurta ilə evdə hazırlanmış Olivye salatı olub. "Salat səhərdən axşama kimi otaq temperaturunda saxlanılıb. Laborator müayinələr zamanı salmonellyoz S. enteritidis xəstəliyinin törədicisi aşkar olunub", - mətbuat xidmətindən əlavə ediblər.

Poliqon.info