Tayland kralı keçmiş Baş nazirin həbs cəzasını yüngülləşdirib...
Tailand kralı Maha Vajiralonqkorn (Rama X) keçmiş Baş nazir Taksin Şinavatranın həbs müddətini səkkiz ildən bir ilə endirmək qərarına gəlib.
Poliqon xəbər verir ki. bu barədə Bloomberg Agentliyi məlumat yayıb.
“Əlahəzrət kral əfv fərmanı verdi. O, baş nazir olub, ölkəni idarə edib, ölkənin və xalqın inkişafına töhfə verib, eyni zamanda monarxiya institutuna sadiq olub”, deyə sənəddə deyilir.
Qeyd edək ki, Şinavatra 2001-2006-cı illərdə Taylandın Baş naziri olub. O, Nyu-Yorkda Birləşmiş Millətlər Təşkilatının Baş Assambleyasının sessiyasında olarkən quru qoşunlarının Baş komandanı Sonta Bunyaratqlinin başçılıq etdiyi bir qrup hərbçi dövlət çevrilişi həyata keçirib. Şinavatra xaricdə qalıb. O, 2008-ci ildə məhkəmə qarşısına çıxmaq üçün Taylanda qayıdıb və həbs edilib, lakin zaminə buraxılıb. Daha sonra siyasətçi nəhayət ölkəni tərk edib.
2008-ci ildə məhkəmə Şinavatranı dövlət torpaqlarını almaq səlahiyyətini aşdığına görə qiyabi olaraq iki il həbs cəzasına məhkum edib. 2019-cu ilin aprelindən o, həmçinin vəzifə səlahiyyətlərindən sui-istifadə, vergidən yayınma və korrupsiyaya görə müxtəlif həbs müddətlərinə məhkum edilib.
Poliqon.info