Respublikaçı Nikki Heyli: Partiyamız Trampla seçkidə qalib gələ bilməyəcək
Poliqon bu barədə CNN-ə istinadən xəbər verir.
"O, məhkəmə zalında təşviqat aparmaqdan daha çox vaxt keçirəcək", deyə Heyli bildirib.
O qeyd edib ki, ABŞ prezidentliyinə namizədlər üçün Respublikaçılara Trampın etdiklərini düzəldəcək, eyni zamanda ölkəni irəli aparacaq gənc nəslin mühafizəkarına ehtiyac var.
"CBS News" və "YouGov"un sorğusuna əsasən, ABŞ-ın keçmiş prezidenti Donald Trampa qarşı ittihamlar fonunda onun Respublikaçılar Partiyasının tərəfdarları arasında populyarlığı artır.
Rəyi soruşulanların 62%-i Respublikaçılar Partiyasının prezidentliyə namizədi kimi Trampı seçəcəklərini bildirib. İkinci yerdə qərarlaşan Florida qubernatoru Ron DeSantis cəmi 16% səs toplayıb. Biznesmen Vivek Ramasvami respondentlərin 7%-i prezidentlik yarışında görmək istəyir. Dördüncü yerdə 5% səslə keçmiş vitse-prezident Mayk Pensdir.
Poliqon.info