Portuqaliya prezidenti Kiyevə səfər edib...
Poliqon xəbər verir ki, bu barədə Expresso qəzeti məlumat yayıb. Nəşr qeyd edir ki, səfərin əsas məqsədi avqustun 24-də Ukraynanın Müstəqillik Günü ilə bağlı şənliklərdə iştirak etməkdir. Portuqaliya lideri Krım Platformasının sammitində də iştirak edəcək.
“Biz bütün sahələrdə vacib olan hər şeydə həmrəyliyimizi nümayiş etdiririk. Hazırda Ukrayna üçün əsas olan hər şey Portuqaliya üçün də əsasdır”, deyə prezident bildirib.
Qeyd edilir ki, Rebelo de Souzanın Ukraynaya səfəri sürpriz olub və yaxın vaxtlara qədər gizli saxlanılıb. Kiyevə gəlməzdən əvvəl prezident Varşavada səfərdə olub və orada gələcəkdə Ukraynaya səfər etmək arzusunu bəyan edib.
Bundan əvvəl Portuqaliyanın ukraynalı pilotlara F-16 döyüş təyyarələrində təlim keçmək üçün koalisiyada iştirakı məlum olub. Ukrayna Müdafiə Nazirliyinin rəhbəri Oleksiy Reznikovun sözlərinə görə, proqrama digər növ qırıcıların da daxil edilməsi ehtimalı var.
Poliqon.info