ISW: Priqojin "Vaqner" üzərində müstəqilliyini itirib
Poliqon xəbər verir ki, bu barədə Müharibənin Öyrənilməsi İnstitutunun (ISW) son hesabatında deyilir.
Son peyk görüntüləri Tsiladakı "Vaqner" düşərgəsində xeyli sayda avtomobili göstərir və hətta avqustun 1-dən 9-a qədər bazaya daha çox avtomobilin gəldiyini görünür.
Hesabatda həmçinin bildirilir ki, “Vaqner" üzvlərinə yaxın mənbə avqustun 10-da Brest vilayətində muzdluların fəallığını göstərən şəkilləri dərc edib. Xüsusilə, "Vaqner"in təlimatçılarının Belarus hərbçilərinə təlim keçməkdə davam etdiyini görünür.
ISW vurğulayır ki, avqustun 8-də "Vaqner"in Belarusdan Krasnodar diyarı, Voronej və Rostov vilayətlərinə 500-600 muzdlu əsgər aparması ilə bağlı son fərziyyələri təkzib edəcək heç bir sübut tapmayıb.
Eyni zamanda İnstitut qeyd edib ki, "Vaqner" rəhbəri Yevgeni Priqojin əvvəllər olduğu kimi, bu ziddiyyətli məlumatı hələ də birbaşa və ya vasitəçilər vasitəsilə şərh etmir. Analitiklərin fikrincə, Priqojin təşkilatın gələcəyini şərh etmək üçün tam azadlığa malik deyil.
Analitiklər xatırladıblar ki, Priqojin sonuncu dəfə iyulun 30-da dərc olunmuş audioyazıda "Vaqner"in gələcəyi ilə bağlı fikir bildirib və o, Rusiya Müdafiə Nazirliyi ilə müqavilə imzalamayan muzdluların avqustun 5-dək Belarusa gələcəyini iddia edib.
Poliqon.info