Rusiya XİN “taxıl müqaviləsi”nin bərpası üçün şərtləri açıqlayıb...
Poliqon xəbər verir ki, bu barədə TASS Agentliyinin məlumatında bildirilir. Diplomat bildirib ki, söhbət təkcə Tolyatti-Odessa ammonyak boru kəmərinin işə salınmasından getmir.
“Mövqemiz dəyişməz olaraq qalır, yəni ilk növbədə sistemli problemlər həll edilməlidir: Rosselxozbank-ı SWIFT-ə yenidən qoşulmalıdır, ehtiyat hissələrin tədarükünü bərpa etmək, nəqliyyat logistikasını və sığortanı yenidən təşkil etmək, Rusiya şirkətlərinin xarici aktivlərinə çıxışını bərpa etmək”, deyə Qaluzin TASS-a bildirib.
Diplomat həmçinin xatırladıb ki, Rusiyanın taxıl sazişindən çıxmasına səbəb Ukraynanın dəniz humanitar dəhlizindən hərbi məqsədlər üçün istifadə etməsidir.
“Bu cür hərəkətlər, məlum olduğu kimi, Qara dənizdə gəmiçiliyin təhlükəsizliyini təmin etmək üçün əldə edilmiş razılaşmanın ruhuna və hərfinə ziddir”, deyə Qaluzin əlavə edib.
Qeyd edək ki, Türkiyə prezidenti Rəcəb Tayyib Ərdoğan taxıl müqaviləsinin “genişləndirilmiş variantda” bərpasına kömək edəcəyini bildirib. Avqustun 2-də o, Rusiya prezidenti Vladimir Putinlə telefonda danışıb.
Poliqon.info