Niger prezidenti Mohamed Bazum ABŞ-dan kömək istəyib...
Hərbi çevriliş nəticəsində vəzifəsindən uzaqlaşdırılan Niger prezidenti Mohamed Bazum ABŞ və dünya ictimaiyyətindən ölkədə konstitusiya nizamının bərpasına köməklik göstərmək üçün çağırış edib.
Poliqon xəbər verir ki. bu barədə Bazum The Washington Post qəzetinə yazdığı məqalədə yazıb. Bazum özünü “girov” adlandırıb və yazıb ki, çevrilişin heç bir əsası yoxdur” və uğur qazanarsa, “bunun ölkə, region və bütün dünya üçün dağıdıcı nəticələri olacaq.
Mohamed Bazum yazıb ki, onun hökuməti 2021-ci ildə demokratik seçkilər vasitəsilə hakimiyyətə gəlib. Onun sözlərinə görə, üsyançılar hakimiyyətin terrorizmlə mübarizəsinin uğurlu olmadığını, bütün iqtisadi və sosial islahatların, ABŞ və Avropa ilə tərəfdaşlığın Nigerə guya zərər vurduğunu deyərək öz hərəkətlərinə haqq qazandırır.
Bazum bu iddialarla razılaşmadı və qeyd edir ki, Nigerdəki təhlükəsizlik vəziyyəti, digər məsələlərlə yanaşı, Qərb ölkələri ilə tərəfdaşlıq sayəsində “kəskin şəkildə yaxşılaşıb”. O, xarici yardımların Niger büdcəsinin 40%-ni təşkil etdiyinə, lakin dövlət çevrilişinə görə ölkənin bu vəsaiti ala bilməyəcəyinə diqqət çəkib. Mohamed Bazum həmçinin qeyd edib ki, 2022-ci ildə adambaşına düşən ÜDM-in artım tempi 3 dəfədən çox artaraq 7,4%-ə çatıb. Onun sözlərinə görə, keçən il də müəllimlər və böyük sektorlarda çalışan işçilər tərəfindən tətil olmayıb.
“Vaqner” qrupu kimi cinayətkar rus muzdlularını işə götürürlər”, deyə Niger prezidenti yazıb.
Bazum qeyd edib ki, dövlət çevrilişindən sonra ölkədə düyünün qiyməti artıq 40% artıb və bəzi yerlərdə mal və elektrik enerjisi çatışmazlığı barədə məlumat verməyə başlayıb.
Poliqon.imfo