Teleaparıcı: Trampa qarşı yeni ittihamlar Baydenin əhvalından asılıdır
Poliqon xəbər verir ki, bunu "Fox News"un aparıcısı Sean Hanniti deyib.
O, 2021-ci ilin yanvarında tərəfdarlarının Kapitoliyə hücumu ilə bağlı Ağ Evin keçmiş rəhbəri Donald Trampa qarşı yeni ittihamlara reaksiya verib:
“Onlar diqqətinizi yalnız Trampın ittihamlarına, məhkəmələrə, 6 yanvara (Kapitoliyə hücum edildiyi gün), sənədlərə, Co Baydendən başqa hər şeyə yönəltməyinizi istəyirlər. Co Bayden hansısa pis xəbər alsa, ertəsi gün Trampa qarşı başqa ittiham ortaya çıxacaq".
O əlavə edib ki, Trampa qarşı ittihamlar uydurma və siyasi xarakter daşıyır. Aparıcı həmçinin Baydenin oğlu Hunterin Ukrayna və Çindəki fəaliyyətinə görə korrupsiya iddiaları ilə üzləşdiyini vurğulayıb:
“Media bunu istədikləri kimi görməməzliyə vura bilər, lakin bu, realdır. Hamımız bilirik ki, Bayden oğlunun şübhəli beynəlxalq biznes sövdələşmələrində iştirakı barədə yalan danışıb".
Poliqon.info