İran mübahisəli adalar ətrafında böyük hərbi dəniz təlimlərinə başlayıb
Poliqon xəbər verir ki, bu barədə İranın İRNA xəbər agentliyi məlumat yayıb.
Təlimlərdə gəmilər, raketlər və pilotsuz təyyarələr iştirak edir. Agentliyin məlumatına görə, təlimlərin məqsədi İran Körfəzinin adalarını, xüsusən də körfəzin şərq hissəsində yerləşən Əbu Musa adasını mühafizə etməyə hazır olduğunu nümayiş etdirməkdir.
Əbu Musa adasının ərazisinin, eləcə də Böyük Türbə və Kiçik Türbə adalarının idarə olunması İran və BƏƏ arasında mübahisəli adalardır. 1971-ci ildə adalara nəzarət edən Böyük Britaniya qoşunlarını Fars körfəzindən çıxarıb və bundan sonra Birləşmiş Ərəb Əmirlikləri yaranıb. Lakin o zamankı İran hökuməti tarixən öz əraziləri hesab etdiyi adalardan imtina etməyob.
1971-ci ilin noyabrında İran qoşunları Böyük və Kiçik Türbə adalarına göndərilib. 1980-ci illərdən isə İran bütün Əbu Musa adasını ələ keçirmək siyasəti yürütməyə başlayıb. 2016-cı ilin yanvarında BƏƏ İrandakı səfirini geri çağırıb. BƏƏ bu qərarı “İranın Fars körfəzinin ərəb ölkələrinin daxili işlərinə görünməmiş həddə çatan davamlı müdaxiləsi" ilə izah edib.
Lakin 2022-ci ilin avqustunda BƏƏ-nin səfiri Saif Məhəmməd əl-Zaabinin İranda işini bərpa etdiyi açıqlanıb. BƏƏ Xarici İşlər Nazirliyi qərarın "BƏƏ-nin İranla münasibətləri gücləndirmək səylərinə uyğun olaraq və diplomatik missiyanın səfir rütbəsinə yüksəldilməsi ilə bağlı əvvəlki qərarın bir hissəsi kimi" verildiyini izah edib.
Poliqon.info