Ədliyyə Nazirliyi Trampa qarşı yeni ittihamlar irəli sürüb...
Poliqon Amerika mətbuatına əsasən xəbər verir ki, ABŞ Ədliyyə Nazirliyi Ağ Evin rəhbəri kimi məxfi sənədlərlə düzgün rəftar edilmədiyinə görə Donald Trampa qarşı əlavə ittihamlar irəli sürüb.
Yeni ittihamnamədə dörd əlavə maddə var. Artıq 37 maddə üzrə ittiham olunan Tramp həm də bilərəkdən milli müdafiə məlumatlarını saxlamaqda ittiham olunub.
İttihama görə, söhbət Amerikanın 45-ci prezidentinin 2021-ci ilin iyulunda Nyu-Cersi ştatının Bedminster şəhərində keçirdiyi görüş zamanı bioqraflarla müzakirə etdiyi İrana mümkün hücum planlarına dair çox məxfi sənədin qəsdən saxlanmasından gedir.
Sənədin “xarici ölkədəki hərbi fəaliyyətlə bağlı təqdimat” olduğu və Trampın görüş zamanı onu bioqraflara “göstərdiyi” vurğulanır.
Təqsirləndirilən şəxs olaraq Tramp özünü təqsirli bilmir.
Trampın seçki kampaniyası isə ona qarşı yeni ittihamları təqib cəhdi adlandırıb.
Poliqon.info