Fransa kəşfiyyatı Çin və Rusiyaya texnologiya tədarükü edən şəbəkəni ifşa edib
Fransada yerli yarımkeçirici şirkəti "Ommic"in rəhbərliyinin 9 nümayəndəsi Çin və Rusiyadan texnologiyanın qanunsuz ötürülməsi ilə bağlı aparılan istintaq çərçivəsində saxlanılıb.
Poliqon xəbər verir ki, bu barədə "Le Parisien" iş materiallarına istinadən yazır.
"Ommic" mikrodalğalı tezliklərdə işləmək üçün nəzərdə tutulmuş mikrodalğalı monolit inteqral sxemlər istehsal edir. Şirkətin məhsulları hərbi və kosmik sistemlərdə də istifadə olunur.
Nəşrin yazdığına görə, Fransa kəşfiyyatı "Ommic"in Çinlə əlaqələrini çoxdan izləyib, lakin şirkət rəhbərlərinin saxlanılması və dindirilməsi barədə qərar yalnız 2023-cü ilin martında verilib. Qəzetin məlumatına görə, martın 24-də iki Fransa və iki Çin vətəndaşına qarşı ittiham irəli sürülüb.
Nəşr yazır ki, Fransa kəşfiyyat xidmətləri təkcə Çinə deyil, həm də Rusiyaya ikili təyinatlı texnologiyaların tədarükünün bütöv şəbəkəsini müəyyən edib. Bəzi hallarda onların birbaşa Çinə deyil, Litva və Belçika vasitəsilə həyata keçirildiyi iddia edilir.
Müttəhimlərdən biri şirkətin 74 yaşlı keçmiş baş direktoru Mark R. O və bir Çin vətəndaşı Fransanın maraqlarına zərər verə biləcək texnologiyaların xarici gücə ötürülməsində ittiham olunurlar. "Le Parisien"in məlumatına görə, onları 15 ilə qədər həbs gözləyir.
Poliqon.info