ÜST: Son 10 ildə 2,5 milyondan çox insan suda boğulub
Poliqon xəbər verir ki, ÜST son 10 ildə 2,5 milyondan çox insanın suda boğulduğunu bildirib.
Hesabatda deyilir ki, məktəbəqədər uşaqlar üçün uşaq bağçalarına sərmayə qoymaq və məktəb yaşlı uşaqlara ilkin üzgüçülük təlimləri vermək milyonlarla insanın həyatını xilas edə bilər:
"Boğulma, qiymətləndirilməyən, lakin ölümcül bir ictimai sağlamlıq problemidir. Son 10 ildə 2,5 milyondan çox insan suda boğulub. Narahatedici məqam odur ki, bu hadisələrin təxminən 90 faizi aşağı və orta gəlirli ölkələrdə baş verib. Boğulma nisbətlərinin ən yüksək olduğu 1-9 yaşlı nəsillər arasında bu sahədə təcili tədbirlər görülməsi lazımdır".
Hesabatda bildirilir ki, bu sahədə uşaqlar üçün yeni qlobal sərmayələr 2050-ci ilə qədər 774 mindən çox uşağın həyatını xilas edə və boğulma təhlükəsi ilə üzləşən 1 milyondan çox insanın qalıcı zərərinin qarşısını ala bilər.
Bundan əlavə, hesabatda qeyd olunub ki, bu investisiyalar aşağı və orta gəlirli ölkələrdə 400 milyard dollardan çox iqtisadi itkilərin qarşısını ala və yatırılan hər dollara görə təqribən 9 ABŞ dolları məbləğində məcmu fayda təmin edə bilər.
Hesabatda fikirləri yer alan ÜST-nin Baş direktoru Tedros Adhanom Qebreyesus, boğulmaların qarşısını almaq üçün effektiv profilaktik tədbirlərin həyata keçirilməsi, investisiyaların artırılması və məlumatlılığın saysız-hesabsız həyatını xilas edə biləcəyini deyib:
"Biz ölkələrin və tərəfdaşlarımızın boğulmaların qarşısının alınmasını qlobal prioritet etmək üçün əl-ələ vermələrini gözləyirik".
Poliqon.info