Ukrayna və Polşa arasında gərginlik: Aİ bunu etməyə borcludur...
Poliqon-nun məlumatına görə, nazir müavini bildirib ki, Polşa rəsmiləri taxıl müqaviləsinin dayandırılması səbəbindən dünya qlobal ərzaq böhranı astanasında olduğu iddia edilən zamanda Avropanın sərhədlərini bağlamaqla hədələyir.
“Polşa rəsmiləri deyirlər ki, Avropa sərhədləri də Ukrayna taxılı üçün bağlanacaq. Demokratiya o zaman güclü olur ki, hökumət seçki qərargahı kimi deyil, icra hakimiyyəti kimi fəaliyyət göstərir”, deyə Stefanişina yazıb.
O, həmçinin əlavə edib ki, Avropa qlobal ərzaq təhlükəsizliyini qorumaq üçün Ukrayna ilə birlikdə işləməlidir. Stefanişina vurğulayıb ki, Aİ respublikanın “iqtisadi cəhətdən yaşaması” üçün Ukrayna taxılının maneəsiz tədarükünü təmin etməyə borcludur.
"Həyatlarını riskə atsa da, tarlalarda işləməyə davam edən ukraynalı fermerlər üçün kompensasiya mexanizmi olmalıdır", deyə Stefanişina fikrini yekunlaşdırıb.
Polşanın Ukrayna taxıl bazarını açmaq niyyətində olmadığı və Avropa Komissiyasının müvafiq qərarı olmadan Aİ-yə tədarükünü dayandırmağa hazır olduğu barədə məlumat iyulun 18-də yayılıb. Polşanın baş naziri Mateuş Moravetski bildirib ki, bu tədbirlər ölkə fermerlərini qorumaq üçün lazımdır. Onun sözlərinə görə, Polşada artıq biçin gedir və taxıl tədarükü çoxdur, onu da satmaq lazımdır.
Poliqon.info