Bu gün bürcünüz sizə nələr vəd edir?
Qoç - çoxlu problemlər yaranacaq. Yetərincə qətiyyətli və özünüzə əmin olmağa çalışın. Nə isə ilk dəfədən alınmayanda pərişan olmayın. Rəqib və ya düşmən düşündüyünüzdən güclü deyil. Ənənəvi metodlar və sınanmış vasitələrlə məqsədə çatmaq asan deyil. Problemlərin alternativ həll yollarını seçin.
Romantik münasibətlərə başlamğa dəyməz. İşdə təmkinli olun, yaşananlara emosional reaksiya verməyin.
Buğa - uğursuz, çətin, qarışıq gündür. İllərdən bəri etibar etdiyiniz, inandığınız insan sizi pərişan edə bilər. Yaxın adamlarınızdan biri sizdən faydalanmağa çalışır. Fikri cəmləmək çətindir. Buna rəğmən adi günlərlə müqayisədə daha çox səhvə yol verməyin. Maliyyə məsələlərində sayıq olun.
Günün ikinci yarısında səhhətinizdə problemlər yarana bilər. Yaşam potensialının səviyyəsi aşağı düşəcək, yorğunluq hissi güclənəcək. Uzun səfər və ya səyahət məsləhət deyil. Ağır fiziki işdən imtina edin.
Əkizlər - bu gün formalaşan ideyaların hamısı yaxşı deyil. Düşünülməmiş şəkildə qərarlar qəbul etməyin. Planlar baş tutmayanda ruhdan düşməyin. Səbrli olun, təmkinli davranın. Əlverişli anı gözləyərək hərəkət edin. İşgüzar danışıqlar aparmaq məsləhət deyil. Karyeranızla bağlı məsələlərin müzakirəsini ertələyin.
Ciddi maliyyə çətinlikləri ola bilər. Borc almayın, xərcləri azaldın. Yaşlı qohumların məsləhətlərini qulaqardına vurmayın.
Xərçəng - köklü dəyişikliklərin yaşanmayacağı gündür. Rahat zamandır, irəliləyişlərə nail ola bilərsiniz. Yaxın ətrafınızdakı insanlarla ünsiyyətdə nikbin, gülərüz, səmimi olun. Liderlik məziyyətlərinizi nümayiş etdlirin. Həmfikirlər və müttəfiqlər komandasını formalaşdıra bilərsiniz.
Qarşınıza qoyduğunuz məqsədə çatmaq üçün gərəkli bildiyiniz vasitələrdən istifadə edin.
Qohumlar, dostlar, sevdiyiniz insanla ünsiyyət üçün münasib zamandır. Dəyər verdiyiniz insanlarla dil tapmağa çalışın. Ailə üzvlərinə hədiyyələr etmək olar.
Şir - işlərin çoxu istədiyiniz kimi alınmır. Buna rəğmən hadisələrin məcrasına kəskin müdaxilələr etməyin. Əvvəllər əldə etdiyiniz bilik və bacarıqları reallaşdırın. Başqalarının təcrübəsindən bəhrələnərək dürüst qərarlar verin. Çətin vəziyyətə düşən və sizə yardım üçün müraciət edən insana kömək edin.
Peşəkar fəaliyyət sahəsi ilə yanaşı, şəxsi münasibətlərdə də lider olmağa çalışın. Amma aqressivləşərək mövqelərinizi yaxın ətrafınızdakı insanlara zorla qəbul etdirməyə can atmayın. Alış-veriş üçün münasib zamandır. Fərdi və ailəvi maliyyə resursları ilə bağlı qərarları ertələyin.
Qız - görüləcək işlərin dəqiq və konkret planını hazırlayın. Maraqlı, cazibədar iş olmasa da, işlərlə məqsədlərin müəyyənləşdirilməsi olmadan çalışmaq çətindir. Fikrinizi yayındırmağa, diqqətinizi dağıtmağa can atacaqlar. Təxribatlara uymayın. Mənfi təmayüllərə sinə gərməyin optimal yolu əvvəlcədən sevilmiş davranış istiqamətinə riayət etməkdir.
Mübahisələrə qatılmayın, hansısa tərəfi tutmayın. Mövqeyinizi aqressiv izhar etsəniz, ciddi münaqişə yarana bilər.
Tərəzi - cazibədar olmağa çalışın. Ətrafınızdakı insanların diqqətindən şikayətlənməyə səbəb yoxdur. Çalışmaq istədiyiniz insanları seçin. İntuisiyanız sizə kobud səhvlərə yol verməməyə yardım edəcək. Bacarıq və istedadınızı, bilik və təcrübənizi nümayiş etdirin.
Bədxahları üstələyin, rəqibləri geridə qoyun.
Anlaşma və ya sövdələşmələr qısamüddətli olmalıdır. Səfər, səyahəti təxirə salmayın. Arealın dəyişməsində xeyir var. Peşəkar fəaliyyət müstəvisində mövqelərinizə təsir edə biləcək insanlarla görüşün. Karyera məsələlərini müzakirə edin.
Əqrəb - baş verənlərə rəğmən əhvalınızı korlamayın. Həmkarlarınız, dostlarınız, yeni tanışlarla münasibətlərin rəvan qalmasına çalışın. Mövqeləri və fikirləri sizdən çox fərqli olan insanlarla da dil tapın. Birgə fəaliyyət, əməkdaşlıqla bağlı danışıqlar aparmaq olar.
Günün ikinci yarısında yaşam potensialının səviyyəsi aşağı düşə bilər. Ağır fiziki işdən imtina edin. Qida rasionunuza fikir verin. Kulinar eksperimentlər zamanı deyil.
Oxatan - hər şey sandığınız qədər pis deyil. Özünüzdən və yaxın ətrafınızdakı mümkün olmayanları tələb edərək vəziyyəti gərginləşdirməyin. Başqalarının sizin barənizdə düşündüklərinə və dediklərinə həddən ziyadə əhəmiyyət verməyin. Maraqlandığınız insanla aktiv ünsiyyətdə olun.
Əşya, pul və ya sənəd itirə bilərsiniz. Yaxınlarınıza güvənin, onlar sizə yardım edəcəklər. Alış-verişdə çox pul xərcləməyin.
Oğlaq - qətiyyətli, iradəli olun. Problemlərin həllinə yaradıcı yanaşın. Hadisələrin qəfil inkişaf etməyə başladığı anlarda çaş-baş qalmayın, vurnuxmayın. Yeni tanışlıqlar asanlıqla baş tutacaq. Münasibətlərinə dəyər verdiyiniz insanlarda xoş təəssürat yaratmağa can atın.
Komanda işi pis olmasa da, müstəqil fəaliyyət daha effektivdir. Anlaşma və sövdələşmələr gəlir verəcək. Əhəmiyyətli məbləğə yiyələnə bilərsiniz. Axşam saatlarına yaxın yaşam potensialının səviyyəsi aşağı düşəcək. Özünüzü qoruyun.
Dolça - işgüzar fəaliyyət baxımından uğurlu gündür. Sərfəli anlaşma və sövdələşmələrə nail ola bilərsiniz. Yaxın ətrafınızdakı insanların öhdəsindən gələ bilmədikləri çətinliklərin öhdəsindən gələ biləcəksiniz. Yeni tərəfdaşlarla əməkdaşlıq maliyyə baxımından sərfəli olacaq. Qarşınızda yeni perspektivlər yarana bilər.
Yeni romantik münasibətlərə başlamaq üçün münasib zamandır. Amma sayıq olun. Bu gün sizinlə təmaslara yalnız yaxşı insanlar can atmırlar. Yaramaz, ləyaqətsiz insanın felinə uymayın.
Balıqlar - qərarları sürətlə, təxirə salmadan qəbul edin. Situasiyanın dəyişikliklərinə uyğunlaşmağa çalışın. İmprovizasiya və yaxşı reaksiya karınıza gələ bilər. Kiçik maliyyə itkiləri ola bilər. Alış-verişin yaxşı olacağını düşünməyin.
Ailə üzvləri ilə münaqişə yaratmayın. İxtilaf və anlaşılmazlıq yaranarsa, münasibətləri bərpa etmək çətin olacaq. İnciklik hələm-hələm unudulmayacaq. Dövlət qurumları, xüsusilə də hüquq-mühafizə orqanlarının əməkdaşları ilə təmasları ertələyin.(Milli.Az)
Poliqon.info