Rusiya iki dəfə Ukrayna Hərbi Kəşfiyyatının binasına raketlərlə hücum edib...
Poliqon xəbər verir ki, bu barədə The Economist nəşri məlumat yayıb. Nəşr yazır ki, raket hücumu mayın sonunda baş verib.
Məlumatda qeyd edilir ki, mayın 29-da Rusiyanın Ukrayna Hərbi Kəşfiyyatının binasına hücum cəhdi uğursuzluqla nəticələnib. Hücum zamanı ballistik və qanadlı raketlərdən, həmçinin pilotsuz təyyarələrdən istifadə olunub. Ofisə və yaxınlıqdakı avtobus dayanacağına cüzi ziyan dəyib.
Eyni zamanda, 2022-ci ilin martında ruslar ilk dəfə Kiyevin Rıbalski adasındakı GUR qərargahına hücum edib. Ora raketlər düşüb, pəncərələr qırılıb, yaxınlıqdakı binalara ziyan dəyib.
Hadisə zamanı GUR rəisi Kiril Budanovla görüş üçün gözləmə zalında gözləyən insanlar yerə yıxılıblar.
Bir neçə həftə əvvəl Rusiya mediası GUR-un binasına hücum olduğunu, nəticədə Kiril Budanovun yaralandığı iddia edib. Ardınca Kremlin ruporları Ukrayna kəşfiyyatının rəhbərinin yaralandıqdan sonra alman klinikalarından birində komada olduğu iddiası ilə çıxış edib. Onların istinad etdikləri Almaniyanın “Stern” nəşri bu xəbəri təkzib edib. İyunun 19-da Budanov "Kyiv Post" nəşrinə açıqlama verib və yaralanmadığını bildirib.
Poliqon.info