Avropa İttifaqı Rusiyadan neft və neft məhsullarının idxalını 90% azaldıb
Avropa İttifaqı (Aİ) 2023-cü ilin martında Moskvaya qarşı tətbiq etdiyi sanksiya məhdudiyyətləri fonunda Rusiyadan neft və neft məhsullarının idxalını 1,4 milyon tona qədər azaldıb.
Poliqon xəbər verir ki, bu barədə iyunun 19-da dərc olunan Avropa İttifaqının Statistika İdarəsinin (Eurostat) hesabatının məlumatları sübut edir.
Mart ayı göstəricisi 2019-cu ildən 2022-ci ilə qədər olan orta aylıq daşımalardan 90% aşağı olub. Yəni, göstərici təxminən 10 dəfə aşağı düşüb. Qeyd olunur ki, bu ilin mart ayında Aİ ölkələri Rusiyadan 1,17 milyon ton neft, 0,3 milyon ton neft məhsulları alıb.
Qeyd edək ki, 2022-ci il dekabrın 5-də G7 ölkələri, Avropa İttifaqı və Avstraliya Rusiya neftinin dəniz yolu ilə tədarükü üçün bir barel üçün 60 dollar qiymət tavanı barədə razılığa gəliblər. 2023-cü ilin fevralında Rusiya Federasiyasından neft məhsullarının tədarükünə eyni məhdudiyyətlər qüvvəyə minib. “Tavan”ın ölçüsü neft məhsullarının kateqoriyasından asılı olaraq bir barel üçün 100 və 45 dollar səviyyəsində müəyyən edilib.
Eurostat-ın materiallarına görə, Aİ qadağalar tətbiq olunmamışdan əvvəl neft və neft məhsullarının başqa mənbələrdən almağa başlayıb. Rusiyadan Aİ ölkələrinə 2022-ci ilin yanvarında 12,4 milyon ton olan neft idxalı dekabrda 3,7 milyon tona düşüb. Daha sonra embarqonun birinci hissəsi qüvvəyə minib. 2023-cü ilin mart ayında tədarüklərin həcmi 1,17 milyon ton olub.
Poliqon.info