Türkiyənin müdafiə naziri raket fabrikindəki partlayışa görə Hataydan Ankaraya qayıdıb
Türkiyənin milli müdafiə naziri Yaşar Güler Suriya ilə sərhəddə yerləşən Hatay vilayətinə səfərini yarımçıq qoyub və Ankara şəhərinin Almadağ bölgəsində yerləşən raket və onlar üçün sursat istehsal edən fabrikdə partlayış xəbərindən sonra paytaxta qayıdıb
“Report” xəbər verir ki, bu barədə “Hürriyet” qəzeti yazıb.
“Milli müdafiə naziri Yaşar Güler Hatay vilayətində proqramını yarımçıq qoyaraq Ankaraya yollanıb”, - məlumatda bildirilir.
Qeyd edək ki, fabrikdə baş verən partlayış nəticəsində 5 nəfər ölüb.
Poliqon.info