Orban: Ukraynanın əks-hücumunun qarşısı alınmalıdır, yoxsa qan gölü olacaq...
Poliqon xəbər verir ki, Baş nazir bu barədə “Kossuth” radiostansiyasına müsahibəsində bildirib.
“Böyük strateji hücumların aparılması qan gölünə çevirilməkdir. Mənim kimi cəmi il yarım hərbi xidmətdə olan adam da bilir ki, hücum edən tərəf müdafiə olunan tərəfdən üç dəfə çox itki verir. Ukraynalılar əks hücuma keçməzdən əvvəl atəşkəsə nail olmaq və sülh danışıqlarına başlamaq üçün əlimizdən gələni etməliyik”, deyə Orban bildirib.
Bundan əvvəl Ukrayna bu ilin yazında əks-hücuma keçmək planlarını dəfələrlə bəyan edib. Bir sıra siyasətçilər və hərbçilər, o cümlədən Prezident Aparatının rəhbərinin müşaviri Mixail Podolyak və Baş Kəşfiyyat İdarəsinin rəhbəri Kirill Budanov yayda Krıma çatacaqlarını bildiriblər.
Mayın 31-də Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, Vaşinqton UAF-nin yayda əks-hücuma başlayacağını gözləyir. Həmin gün Ukrayna Silahlı Qüvvələrinin Ali Baş Komandanı Valeri Zalujnı ABŞ Silahlı Qüvvələrinin Birləşmiş Qərargah Rəisləri Komitəsinin sədri Mark Millli ilə Ukrayna ordusunun əks-hücum planlarını müzakirə edib.
Mayın 29-da Ukrayna Silahlı Qüvvələrinin quru qoşunlarının komandanı Aleksandr Sırski bildirib ki, əks-hücum üçün vaxt “tezliklə gələcək”. Ukrayna Milli Təhlükəsizlik və Müdafiə Şurasının katibi Oleksiy Danilov da bildirib ki, əks-hücum “sabah və ya bir həftə sonra” başlaya bilər.
Poliqon.info