Makron: Qərb Ukraynaya etibarlı təhlükəsizlik zəmanəti verməlidir...
Poliqon Le Point nəşrinə istinadən xəbər verir ki, bu çağırışla mayın 31-də Fransa prezidenti Emmanuel Makron çıxış edib.
Fransa prezidenti bu barədə Bratislavada keçirilən Globsec beynəlxalq təhlükəsizlik konfransında danışıb. Makron vurğulayıb ki, Qərb ölkələri Kiyevi çoxlu silahla təmin edir. Lakin onun sözlərinə görə, Ukrayna heç bir strateji təhlükəsizlik dialoquna daxil deyil.
“Əgər biz Rusiya qarşısında çəki qazanmaq istəyiriksə, ukraynalılara qarşı etibarlı olmaq istəyiriksə, o zaman Ukraynaya gələcək təcavüzün qarşısını almaq və onu davamlı təhlükəsizlik arxitekturasına daxil etmək üçün vasitə verməliyik”, deyə Fransa prezidenti bildirib. Makron əmindir ki, iyulun 11-12-də NATO-nun Vilnüsdə keçiriləcək sammitinə qədər bu məsələnin işlənib hazırlanması vacibdir.
Fransa lideri təklifini iki səbəblə əsaslandırıb, deyə Le Point jurnalı qeyd edir: “Ukrayna bu gün Avropanı qoruyur. Bundan əlavə, Ukraynanın malik olduğu silahların həcmini nəzərə alaraq, “Qərbin çoxtərəfli formatda Kiyevə birgə təhlükəsizlik təminatları vermək maraqlarına uyğundur”, deyə Makron bildirib.
Makron izah edib ki, Kiyev üçün ABŞ-ın İsrailə verdiyi “təhlükəsizlik zəmanətləri” ilə Şimali Atlantika Alyansına tam üzvlük arasında bir şey yaratmaq lazımdır. Eyni zamanda, Fransa prezidenti hesab edir ki, çox güman ki, Vilnüsdə Ukraynanın hərbi-siyasi bloka qəbulu ilə bağlı razılığa gəlmək mümkün olmayacaq.
Poliqon.info