Britaniyanın Ukraynaya tədarük etmək üçün silahı tükənmək üzrədir...
Poliqon xəbər verir ki, bu barədə Daily Mail qəzeti britaniyalı strateji analitik Hovard Uildona istinadən yazır.
Təhlilçinin fikrincə, silah çatışmazlığı ölkə Silahlı Qüvvələrinin az maliyyələşdirilməsi ilə bağlıdır. Eyni zamanda, Hovard Uildon qeyd edib ki, Britaniya qüvvələrinə birbaşa təsir edən münaqişə vəziyyətində krallığın ehtiyatlarının əsas hissəsi özündə saxlanmalıdır.
“Böyük Britaniyanı qorumaq və beynəlxalq öhdəliklərimizi yerinə yetirmək üçün kifayət qədər vəsaitimiz yoxdur”, deyə ekspert qeyd edib.
Analitik xatırladıb ki, bir müddət əvvəl Böyük Britaniya Ukraynaya təxminən 250 km məsafədəki hədəfləri vurmağa qadir olan “Storm Shadow” uzaqmənzilli raketlərini göndərib. O bildirib ki, onların istifadə müddəti artıq başa çatıb.
“Qeyri-müəyyən sayda “Storm Shadow” raketləri təqdim olunub, amma yəqin ki, onların vaxtı keçib. Böyük Britaniyanın verə biləcəyi çox az şey qalıb” deyən Uildon bildirib ki, Böyük Britaniya Ukraynanı döyüş təyyarələri ilə təmin edə bilməyəcək.
Bundan əvvəl Böyük Britaniyanın baş naziri Rişi Sunak bildirib ki, uzunmüddətli perspektivdə Ukraynaya dəstək vermək niyyətindədir.
Poliqon.info