Budanov: Ukrayna ordusunun əıs-hücumu yaxın günlərdə başlayacaq...

Ukrayna kəşfiyyatının rəhbəri bildirib ki, Ukrayna Silahlı Qüvvələrinin əks-hücum əməliyyatı yaxın vaxtlarda başlayacaq...

“Ukrayna Silahlı Qüvvələri əks-hücum əməliyyatına başlamaq üçün lazım olan minimum silaha malikdir. Əks-hücum yaxın vaxtlarda başlayacaq”.

Poliqon xəbər verir ki, bu barədə Ukrayna Müdafiə Nazirliyinin Kəşfiyyat Baş İdarəsinin rəisi Kirill Budanov Yaponiyanın NHK telekanalına müsahibəsində bildirib.

Ukrayna kəşfiyyatının şefi əlavə edib ki, əməliyyatları uğurla davam etdirmək üçün Ukrayna hərbçilərinin hələ də sursat və silah ehtiyatına ehtiyacı var. “Ümid edirəm ki, beynəlxalq ictimaiyyət Ukraynaya kömək etməyə hazırdır”, deyə Budanov vurğulayıb.

Qeyd edə ki, Ukraynanın mümkün əks-hücum mövzusu bir neçə aydır ki, beynəlxalq mediada müzakirə olunur, müxtəlif tarixlər verilir. Ukrayna prezidentinin ofisi daha əvvəl bəyan etmişdi ki, onlar əks-hücum üçün lazım olan silah ehtiyatına malik deyillər.

Ukrayna Təhlükəsizlik Şurası da öz növbəsində əks-hücumun yekun planının hələ təsdiqlənmədiyini bildirib.

Poliqon.info