Ukrayna “Patriot” kompleksi ilə Rusiyaya məxsus hərbi təyyarəni vurub...
Poliqon xəbər verir ki, bu barədə CNN telekanalı Pentaqon və Konqresdəki mənbələrə istinadən məlumat yayıb.
CNN-in məlumatına görə, bu yaxınlarda Ukraynaya çatdırılan kompleksin köməyi ilə cəbhə xəttindən uzaqda olan qırıcı təyyarəni vurmaq mümkün olub.
ABŞ rəsmiləri bildiriblər ki, “Patriot” tərəfindən hədəfə alındıqda, Rusiya təyyarələri Ukraynadakı hədəflərə raketlər atmaq üçün Rusiyanın hava məkanında olub.ABŞ rəsmiləri bunula bağlı bildiriblər ki, Qərbin hava hücumundan müdafiə sistemlərinin istifadəsi ilə bağlı qərarların verilməsinə Kiyevin özünün cavabdehdir və qeyd ediblər ki, məqsəd Ukrayna xalqını qorumaq olmalıdır.
Hərbi analitik Rob Li Tvitter hesabında yazıb ki, təsdiqlənmiş yeganə Rusiya təyyarəsi itkiləri Bryansk bölgəsində olub. “Görünür, Patriot Su-34 bombardmançı və ya Su-35 qırıcısına edilən hücumda iştirak edib” deyə ekspert bildirib.
CNN-in məlumatına görə, son həftələrdə Ağ Ev avropalı müttəfiqlərinə ABŞ-ın F-16 qırıcılarının Ukraynaya ixracına müdaxilə etməyəcəyi barədə siqnal verib.
Bəzi konqres rəsmiləri iddia edirlər ki, qabaqcıl döyüş təyyarələri Ukraynanın ballistik raketləri ələ keçirmək üçün istifadə edilən bahalı Patriot sursatlarını israf etmədən Rusiya təyyarələrinə qarşı durmağı asanlaşdıracaq.
Digər CNN mənbələri isə qeyd edir ki, Rusiyanın “F-16-ları asanlıqla vura bilən” çoxlu zenit sistemi var. Kanalın həmsöhbətləri deyirlər ki, eyni səbəbdən Ukrayna öz təyyarələrindən nadir hallarda hücumlar üçün istifadə edir.
TASS dövlət agentliyi isə xəbər verir ki, şənbə günü, mayın 13-də Mi-8 helikopteri və Su-34 qırıcı təyyarəsi Bryansk vilayətində qəzaya uğrayıb. Eyni zamanda rusiyayönlü teleqram kanalları daha bir Mi-8 helikopterinin və Su-35 qırıcısının qəzaya uğraması barədə məlumat yayıblar. “Kommersant” qəzeti də mənbəyə istinadən 4 təyyarənin qəzaya uğradığını bildirib. Nəşrin məlumatına görə, həmçinin Rusiyanın Telegram kanalları, təyyarələr və helikopterlər vurulub.
Qəzalarda ən azı on nəfərin öldüyü məlumdur.
Poliqon.info