MİT İŞİD-in Azərbaycanda da təşkilatlanmağa cəhd göstərən yeni qruplaşmasını ifşa etdi
Məlumata görə, Diyarbakır Respublika Baş Prokurorluğunun başlatdığı istintaq çərçivəsində İŞİD terror təşkilatının fəaliyyətləri deşifrə edilib, terrorçuların tutulması üçün Vilayət Təhlükəsizlik İdarəsi Terrorla Mübarizə Şöbəsi, Kəşfiyyat və Terrorla Mübarizə İdarəsi, həmçinin MİT-in əməkdaşlığı ilə birgə əməliyyat keçirilib.
Araşdırma zamanı İŞİD terror təşkilatının Türkiyədə “Ahlak ve Sünnet Dergisi” adı ilə yeni bir təşkilat formalaşdırdığı və bu təşkilatın Gürcüstan, Azərbaycan, İraq, Mali, Sudan, Əlcəzair və Liviyada fəaliyyət göstərdiyi müəyyən edilib.
Bildirilir ki, təşkilat üzvləri Türkiyə daxilində baza qazanmaq üçün təbliğat və təşviqat fəaliyyətləri həyata keçiriblər, sonra “Cihad Qrupu”nu yaradıblar. Qruplaşma üzvləri silahlı və hərbi təlimləri Gürcüstanda keçiblər. O da müəyyən edilib ki, hərbi təlim keçən, münaqişə zonalarına göndərilən və aktiv fəaliyyət göstərən terrorçular Suriya və Gürcüstandakı təşkilat üzvlərinə maliyyə dəstəyi veriblər.
Əməliyyatda 74 şübhəli saxlanılıb, çoxlu sayda uzunlüləli ov tüfəngi, tapança, patron və təşkilata aid çoxlu sənəd ələ keçirilib.
Digər şübhəlilərin tutulması istiqamətində əməliyyat-axtarış tədbirləri davam etdirilir. (oxu.az)
Poliqon.info