Rusiyanın Ukraynaya raket hücumu nəticəsində ölənlərin sayı 14-ə çatıb - Yenilənib
“Report” xəbər verir ki, bu barədə ölkənin Daxili İşlər Nazirliyindən bildirilib.
***
Rusiyanın ötən gecə Ukraynaya genişmiqyaslı raket hücumu nəticəsində ölənlərin sayı 7-ə çatıb.
“Report” xəbər verir ki, bu barədə Ukrayna Prezident Ofisinin müşaviri Mixaylo Podolyak tviterdə yazıb.
O, hadisə nəticəsində 11 nəfərin yaralandığını bildirib.
***
Rusiya raketinin dəyməsi və ya qalıqlarının yaşayış binasına düşməsi nəticəsində Ukraynanın Çerkassı vilayətinin Uman şəhərində 3 nəfər həlak olub, 8 nəfər yaralanıb.
“Report” xəbər verir ki, bu barədə vilayətin administrasiya rəhbəri İqor Taburets teleqramda bildirib.
Taburets ərazidə xilasedicilərin işlədiyini qeyd edib.
***
Rusiya Silahlı Qüvvələri Ukraynanın bir sıra vilayətlərinə, o cümlədən Çerkassı vilayətinə genişmiqyaslı raket hücumu nəticəsində sözügedən regionun Uman şəhərində doqquzmərtəbəli yaşayış evi raket zərbəsinə məruz qalıb.
“Report” xəbər verir ki, sosial şəbəkədə yayılan görüntülərdən çoxmərtəbəli yaşayış binasının bir blokunun çökdüyü məlum olur.
Hələlik ölən və yaralananlar barədə məlumat yoxdur.
Çerkassı vilayət polisinin mətbuat katibi Zoya Vovk raketin yaşayış binasına düşməsi ilə bağlı məlumatı təsdiqləyib.
Onun sözlərinə görə, hazırda ərazidə xilasedicilər, həkimlər və polis işləyir.
Poliqon.info