Ukrayna NATO-ya nə vaxt üzv olacaq? - Baş nazir açıqladı...
Poliqon ERR-ə istinadən xəbər verir ki, bunu Estoniyanın baş naziri Kaya Kallas Kiyevə səfərindən və Ukrayna prezidenti Vladimir Zelenski ilə görüşdən sonra deyib.
Kallasın qeyd edib ki, Zelenski çox sursat və silah tədarükü ilə yanaşı, həm də NATO və Avropa İttifaqına üzvülük məsələlərindən narahatdır.
“Ukraynalılar ərizə veriblər və NATO bu ərizəyə cavab verməlidir. Əgər söhbət Ukraynaya bəzi təhlükəsizlik zəmanətləri verməkdən gedirsə, o zaman həqiqətən işləyən yeganə təhlükəsizlik zəmanəti NATO-ya üzvlükdür”, deyə Kallas bildirib.
Baş nazir vurğulayıb ki, Estoniya NATO-ya üzv dövlətləri Ukraynaya aydın üzvlük perspektivi verməyə çağırır. Lakin bu, yalnız müharibə başa çatdıqdan sonra baş verə bilər:
“Biz öz növbəmizdə müttəfiqləri inandırmağa çalışırıq ki, nə üçün Ukraynaya müharibədən sonrakı belə aydın perspektiv verilsin və bu siqnallar aydın olsun".
Qeyd edək ki, 30 sentyabr 2022-ci ildə Ukrayna sürətləndirilmiş əsaslarla NATO-ya üzv olmaq üçün müraciət edib. Elə həmin gün NATO-nun baş katibi Yens Stoltenberq bildirib ki, Alyansın qapıları Ukrayna üçün açıqdır, lakin hazırda əsas diqqət Ukraynanın Rusiyadan müdafiəsinin dəstəklənməsinə yönəlib.
Aprelin Yens Stoltenberq Kiyevdə deyib ki, Ukraynanın gələcəyi Alyansa üzvlükdir, lakin indi hərbi dəstək vermək lazımdır. Onun sözlərinə görə, Ukrayna Rusiya ilə müharibədə qalib gəlməli, dövlət müstəqilliyini və suverenliyini qoruyub saxlamalıdır.
Stoltenberqin Ukraynanın Alyansa üzvlük perspektivləri ilə bağlı açıqlaması Macarıstanın baş naziri Viktor Orbanın hiddətinə səbəb olub. Bundan əlavə, ölkə parlamentinin vitse-spikeri Dora Duro bildirib ki, Ukraynanın NATO-ya daxil olması guya Rusiyanın buna razılığını təsdiq edən sənədi imzaladıqdan sonra mümkün olacaq.
Poliqon.info