Tehran Suriyaya zəlzələ yardımı adı altında silah daşıyır…
Poliqon xəbər verir ki, bu barədə Reuters Agentlinin məlumatında bildirilir. Agentliyin iddiasına görə, bu barədə Suriya, İran, İsrail və Qərbdən olan 9 mənbə bildirib.
Mənbələr bildiriblər ki, məqsəd Suriyada İranın İsrailə qarşı müdafiəsini gücləndirmək və Suriya prezidenti Bəşər Əsədin mövqeyini isə mökəmləndirməkdir.Mənbələr fevralın 6-da Suriyanın şimalında və Türkiyədə baş verən zəlzələdən sonra İrandan yüzlərlə təyyarənin Suriyanın Hələb, Dəməşq və Latakiya hava limanlarına eniş etməyə başladığını və bunun yeddi həftə davam etdiyini bildiriblər.
Mənbələrin bildirdiyinə görə, təchizatlara Suriyanın vətəndaş müharibəsində İran tərəfindən təmin edilən hava hücumundan müdafiə sisteminin planlı təkmilləşdirilməsi üçün lazım olan qabaqcıl rabitə avadanlığı, radar batareyaları və ehtiyat hissələri daxildir.
Uçuşlar barədə Reuters-ə Qərb kəşfiyyat rəsmiləri, İran və İsrail rəhbərliyinə yaxın mənbələr, eləcə də suriyalı hərbi qaçqın və suriyalı zabitlə danışıb.
İranın zəlzələlərdən sonra Suriyaya hərbi texnika daşımaq üçün humanitar yardım təyyarələrindən istifadə edib-etmədiyini soruşduqda, İranın BMT-dəki missiyasından belə cavab verilib ki, “Bu, doğru deyil”.
Suriya hökuməti sorğuya cavab verməyib.
Regional mənbələr Reuters” bildiriblər ki, İsrail Suriyaya silah axınından tez xəbər tutub və buna qarşı aqressiv kampaniyaya başlayıb.
İsrail ordusunda keçmiş tədqiqat rəhbəri və Strateji İşlər Nazirliyinin keçmiş baş direktoru, briqada generalı Yossi Kuperuasser İsrailin daşımalara qarşı hava zərbələrinin o qədər spesifik kəşfiyyat məlumatlarına əsaslandığını və İsrail ordusunun hansı yük maşınının uzun müddət ərzində olduğunu bildiyini söyləyib.
Əhəmiyyətli hərəkətlər
Adının açıqlanmasını istəməyən İsrail rəsmisi Reuters Agentliyinə deyib:
“İsrail Suriyaya zəlzələ yardımı göndərilməsi adı altında İrandan əsasən hissə-hissə daşınan hərbi texnikanın əhəmiyyətli hərəkətlərini müşahidə edib”.
Onun sözlərinə görə, yardım əsasən Suriyanın şimalındakı Hələb hava limanına çatdırılıb. Yük göndərilməsi İran İnqilab Keşikçiləri Korpusunun xarici casusluq və hərbiləşdirilmiş qolu olan Qüds Qüvvələrinin Həsən Mehduinin rəhbərlik etdiyi 18000 Suriya bölməsi tərəfindən təşkil edilib.
Onun sözlərinə görə, yerüstü daşıma Bahanem Şaharirinin rəhbərlik etdiyi Qüds Qüvvələrinin 190-cı Nəqliyyat Bölməsi tərəfindən həyata keçirilib. Reuters şərh üçün Mehdui və Şahariri ilə əlaqə saxlaya bilməyib. İnqilab Keşikçiləri şərh verməkdən imtina ediblər.
"İsrailin zərbələri həmçinin İran silahlı qüvvələrinin komandirlərinin görüşü və silah sistemlərini təkmilləşdirmək üçün elektron çiplərin göndərilməsini hədəf alıb", deyə ordu ilə təmaslarını saxlayan, qarşı tərəfə sığınmış suriyalı polkovnik Əbdülcabbar Akaidi deyib. Akaidi görüşün harada keçirildiyini açıqlamayıb.
Qeyd edək ki, Hələbin uçuş-enmə zolağında İrana məxsus iki yük təyyarəsi yardım bəhanəsi ilə silah yükləri ilə eniş etdikdən bir neçə saat sonra İsrail tərəfindən vurulub.
İnqilab Keşikçiləri Qvardiyasının Qüds Qüvvələrinin rəhbəri, briqada generalı Esmail Qaani hətta Əsədin özü gəlməmişdən bir neçə gün əvvəl Suriyanın zəlzələ bölgəsinə ayaq basan ilk xarici rəsmi olub. Reuters şərh üçün Qaani ilə əlaqə saxlaya bilməyib. İnqilab Mühafizəçiləri Korpusu məsələyə münasibət bildirməkdən imtina edib.
Humanitar fəlakət halında, BMT-nin yardım təyyarələrinə yerli hakimiyyət orqanlarından eniş hüququ əldə etməyə icazə verilir və humanitar mallar sanksiyalardan azad edilir.
Suriya hakimiyyəti Rusiya və İrandan gələn birbaşa reyslərə eniş hüququ verib.
İranın ruhani rəhbərliyinə yaxın regional mənbə, “Zəlzələ kədərli bir fəlakət idi, lakin eyni zamanda, Suriyadakı qardaşlarımıza düşmənlərlə mübarizədə kömək etmək üçün bizə Allahın köməyi oldu. Dərhal Suriyaya çoxlu silah göndərildi”, deyib.
Poliqon.info