İslamşünas qadından Xamneyiyə: Məcburi hicaba haqq qazandırmağın dini və siyasi mənası nədir?..
İranda yaşayan islamşünas Siddiqa Vasmaqi hicab məcburiyyəti ilə bağlı İİR lideri Əli Xamneyiyə suallar verib və xəbərdarlıq edib ki, İranda hicabın bu cür tətbiqinin bütün nəticələrinə görə məsuliyyət İslam Respublikasının rəhbərinin üzərinə düşür.
Poliqon xəbər verir ki, bu barədə “Azadlıq Radiosu”nun fars xidmətinin məlumatında bildirlir.
Qadınlara zor tətbiq edərək şəriət qaydalaırna riayət etmələrinə zorlamaq İslam dünyasında tərk edilmiş bir əməl olduğunu vurğulayan islamşünas qadın əlavə edib ki, İran İslam Respublikası və Əfqanıstandakı Taliban hökuməti bu qeyri-adi təcrübədən istifadə edir.
“Hər iki rejim öz ölkələrində böyük və davamlı problemlərlə üzləşiblər ki, bu da həmin təcrübədən imtina etməyin daha yaxşı olduğunu göstərir”, deyə Siddiqa Vasmaqi qeyd edib.
Bazar ertəsi günü nəşr edilən məktubunda xanım Vasmaqi vurğulayır:
“Tarix boyu heç bir hökumət və ya mütəşəkkil qrup qadınların müstəqillik, bərabərlik və hökmranlığın rədd edilməsi uğrunda apardığı sakit, dinc və səbirli mübarizələrini öldürə bilməyib”.
Qeyd edək ki, İranın Ali dini lideri Əli Xameneyi son açıqlamaslnda hicabın məcburi olmasını “qanuni və şəriətə uyğun” adlandırıb və hicabın götürülməsini “haram” olduğunu bildirib.
Vasmaqi İran İslam Respublikası liderinin hicabla bağlı mövqelərinə toxunaraq vurğulayıb:
“Bu sahədə bir çox nəzəri və sosial ziddiyyətlərə baxmayaraq, Xamneyinin sözləri qadınlara qarşı yeni təzyiq və təhdidləri artırıb və o, bu suala cavab verməlidir: Məcburi hicaba haqq qazandırmağın dini və siyasi mənası nədir?”, deyə islamşünas sual edib.
Poliqon.info