“Neftçi” “Yuventus”la heç-heçə etdi, “Qarabağ” sonuncu pillədə
Türkiyənin İzmir şəhərində 12 yaşadək futbolçular arasında keçirilən “İzmir Cup - 2023” turnirində üç tura yekun vurulub...
Oxu.Az xəbər verir ki, Azərbaycan təmsilçilərindən “Neftçi” günü uğurlu keçirib. “Ağ-qaralar” öncə yer aldığı qrupun favoritlərindən “Yuventus”la qolsuz heç-heçə edib. İkinci matçda Türkiyə “Giresunspor”una minimal hesabla (0:1) qalib gələn komanda son görüşdə “Şalke”yə son dəqiqələrdə buraxılan qolla məğlub olub.
Paytaxt klubu 4 xalla H qrupunda 9 komanda arasında 5-cidir.
“Qarabağ”ın 12 yaşlılarının çıxışı isə uğursuz alınıb. Ağdam klubu öncə “Bursaspor”la qolsuz heç-heçə etsə də, ardınca “Ayaks” və “Srvena Zvezda”ya eyni - 0:2 hesabı ilə uduzub.
“Qarabağ” hazırda 1 xalla E qrupunda sonuncu - 9-cudur.
Poliqon.info