İsrail ordusu Qəzza zolağı və Livanın cənubuna zərbələr endirib
Poliqon xəbər verir ki, İsrail ordusu Qəzza zolağına zərbələri bərpa edib.
Qəzza zolağına zərbələrin bərpası elanı ordunun İsrail hərbçilərinin Livanın cənubuna da zərbələr endirməsi barədə bəyanatından sonra verilib.
İsrailin Müdafiə Ordusu bildirib ki, HƏMAS-ın raket hücumlarından sonra Qəzza zolağına hava zərbələri endirir.
“Bir müddət əvvəl İsrailin döyüş təyyarələri HƏMAS terror təşkilatının Qəzza zolağında əlavə obyektlərinə, o cümlədən yeraltı silah istehsalı kompleksinin binasına, üç əlavə silah istehsalı obyektinə və terrorçuların tunelinə zərbələr endirib”, deyə Müdafiə Nazirliyindən bildirilib.
Cümə gecəsi İsrail ordusu artıq Qəzza zolağında HƏMAS hərəkatının hədəflərinə - tunellərə və silah istehsalı obyektlərinə zərbələr endirib. Hərəkat gərginliyin artmasında İsraili günahlandırıb və Fələstin xalqını “işğalçılara qarşı mübarizədə” birləşməyə çağırıb.
Cümə axşamı İsrail mediası Livan ərazisindən onlarla raketin atıldığını və bu raketlərin İsrailin şimalındakı şimal və qərb Qalileyindəki sərhəd yaşayış məntəqələri və şəhərlərini hədəf aldığını bildirib. Atışma nəticəsində azı 3 nəfər yaralanıb.
İsrail ordusunun mətbuat xidmətinin məlumatına görə, Livan ərazisindən İsrail ərazisinə 34 raket atılıb, onlardan 25 raket hava hücumundan müdafiə sistemi tərəfindən ələ keçirilib. İsrail ordusu ölkənin Livan ərazisindən atəşə tutulmasını Qəzza zolağında hökmranlıq edən Fələstinin HƏMAS hərəkatının qrupları tərəfindən həyata keçirildiyini bildirib.
İsrailin müdafiə naziri Yoav Qalant bundan əvvəl ölkə hərbi rəhbərliyinə istənilən mümkün cavab tədbirlərinə hazırlaşmağı tapşırmışdı. İsrailin baş naziri Benyamin Netanyahu cümə axşamı axşam saatlarında yəhudi dövlətinin düşmənlərinin İsrailə qarşı hər bir təcavüz aktının əvəzini ödəyəcəyini bildirib və əlavə edib ki, daxili müzakirələr və fikir ayrılıqları buna mane olmayacaq.
Poliqon.info