Darya Trepovanın etirafı...
Rusiya Daxili İşlər Nazirliyi hərbi jurnalist Vladlen Tatarskini öldürməkdə şübhəli bilinən Darya Trepovanın videogörüntüsünü yayımlayıb. Kadrlarda qız etiraf edir ki, kafeyə büst aparıb və daha sonra həmin büst partlayıb.
“Mən ora bir büst apardım və sonra büst partladı”, deyə Trepova bildirib. Trepovanın niyə saxlandığını soruşduqda o, belə cavab verib: “Vladlen Tatarskinin qətl yerində olduğuna görə saxlanılmışam”.
Qız büstü ona kimin verdiyini deməyib. “Sonra deyə bilərəmmi?”, deyə o soruşur və bununla da video bitir.
Qeyd edək ki, hərbi jurnalist Vladlen Tatarski (əsl adı Maksim Fomin) bir gün əvvəl, aprelin 2-də Sankt-Peterburqda “Cyber Z Front” müzakirə klubunun toplantısının keçirildiyi “Street Food Bar №1” kafesində baş vermiş partlayış nəticəsində həlak olub. Hadisə zamanı 30-dan çox insan yaralanıb.
Versiyalardan birinə görə, partlayıcı qurğu Trepovanın hərbijurnalistə təqdim etdiyi Tatarskinin büstüünü içərisində olub. RBC Daxili İşlər Nazirliyindəki mənbəyə istinadən xəbər verir ki, qız əvvəllər hərbi müxbirlə yazışıb və onun razılığı ilə tədbirlərə buraxılıb.
Trepova aprelin 3-də Sankt-Peterburqda kirayədə qaldığı mənzildə saxlanılıb. Partlayış faktı üzrə ümumi təhlükəli üsulla qətllə bağlı cinayət işi başlanıb.
Poıiqon.info