Çin ölkə xaricində nüvə silahı yerləşdirməməyin tərəfdarıdır

Çin heç bir nüvə dövlətinin xaricdə nüvə silahı yerləşdirməməsinin tərəfdarıdır və həmçinin başqa ölkələrdə artıq yerləşdirilmiş nüvə silahlarını geri çəkməyə çağırır.

APA-nın məlumatına görə, bunu cümə günü BMT Təhlükəsizlik Şurasının iclasında Çin Xalq Respublikasının BMT-dəki daimi nümayəndəsinin müavini Qenq Şuanq deyib.

“Biz həmçinin nüvə mübadiləsi sazişlərinin ləğvinin tərəfdarıyıq, heç bir nüvə dövlətinin xaricdə nüvə silahı yerləşdirməməsinin tərəfdarıyıq”, - diplomat bildirib.

“Biz həmçinin başqa ölkələrdə yerləşdirilən nüvə silahlarının oradan çıxarılmasının tərəfdarıyıq” – diplomat vurğulayıb.

Poliqon.info