Stalinqradın adının bərpa olunması üçün referendum keçiriləcək….
Volqoqradın adının Stalinqrad olaraq dəyişdirilməsi ilə bağlı referendumun keçirilməsi qərarını hakimiyyət orqanları və şəhər sakinləri may bayramlarından sonra qəbul edə bilər.
Poliqon xəbər verir ki, bu barədə “RİA Novosti” Agentliyinə müsahibəsində Volqoqrad Şəhər Veteranlar Şurasının sədri Aleksandr Strukov bildirib.
Qeyd edilir ki, şəhərin adının dəyişdirilməsi ilə bağlı fikirlərin öyrənilməsi üzrə İctimai Şura martın 27-dən şəhər sakinlərinin referendumun keçirilməsi ideyasına və adının dəyişdirilməsinə münasibətini öyrənmək üçün yerli ictimaiyyət nümayəndələri ilə görüşlər keçirməyə başlayıb.
Strukov qeyd edib ki, ictimai rəyin öyrənilməsi davam edəcək, lakin heç kim vətəndaşlara təzyiq etmək fikrində deyil.
“Haradasa, çox güman ki, may bayramlarından sonra referendumla bağlı məsələdə aydınlığa gələcəyik”, deyə şəhər veteranlar şurasının rəhbəri bildirib.
Məlumata qeyd edilir ki, son rəy sorğusuna görə Volqoqrad sakinlərinin əksəriyyəti şəhərin mövcud adına üstünlük verir, 18% şəhərin Stalinqrad, 5% isə inqilabdan əvvəlki adı ilə Çaitsin adlanmasını istəyir.
Poliqon.info