Fransa, sərbəst güləş və etnik çeçenlər…

Sərbəst güləş üzrə Fransanın gənclər komandası tamamilə etnik çeçenlərdən təşkil olunub…

23 yaşadək sərbəst güləş üzrə Avropa çempionatında Fransa gənclər komandasının altı üzvünün hamısı etnik çeçendir.

Qeyd edək ki, 1994-cü ildən sonra Çeçenistan sakinlərinin Avropaya bir neçə köş dalğasından sonra ən böyük çeçen diasporu məhz Fransada yaranıb.

Poliqon.info xarici mətbuata əsasən xəbər verir ki, bazar ertəsi Buxarestdə başlayacaq sərbəst güləş üzrə yaşı 23-ə qədər olan Avropa çempionatında Fransadan altı idmançı çıxış edəcək və onların hamısı etnik çeçendir. Xəbərdə bildirilir ki, Fransa yığmasında çeçenlərin təmsilçiliyi əvvəlki oyunlarla müqayisədə artıb. Bir il əvvəl Plovdivdə dörd fransız güləşçisi mübarizə aparmışdı ki, onlardan üçü çeçen idi.

İdman mediası bir neçə il əvvəl Fransa millisinin sərbəst güləşçiləri arasında çeçenlərin sayının artmasına diqqət yetirməyə başlayıb və qeyd edilir ki, o zaman milli komandanın yarısına qədəri çeçenlərdən idi.

Poliqon.info