“Saudi Aramco” 2022-ci ildə rekord səviyyədə qazanc əldə edib
Poliqon.info xəbər verir ki, bu barədə Bloomberg Agentliyinin məlumatında bildirilir.
Məlumatda qaeyd edilir ki, Səudiyyə Ərəbistanı tez-tez Qərbi yaşıl enerjiyə doğru hərəkət etməkdə tələsik olduğuna görə tənqid edir. Ər-Riyadın özü isə əvəzində ölkənin neft hasilatını 2027-ci ilə qədər gündəlik 13 milyon barrelə çatdırmaq üçün milyardlarla dollar xərcləyib. 2022-ci ildə “Saudi Aramco” kapital qoyuluşlarına 37,6 milyard dollar xərcləyib və bu il bu rəqəmi 45-55 milyard dollara çatdırmağı planlaşdırır.
“Saudi Aramco” gözlənilmədən dividendlərini də artırıb və yüksək neft qiymətləri sayəsində keçən il əldə etdiyi böyük mənfəətdən istifadə etmək üçün xərcləri kəskin şəkildə artırmağı planlaşdırdığını açıqlayıb.
Agentlik yazır ki, dünyanın ən böyük neft şirkətinin xalis mənfəəti 2022-ci ildə 161 milyard dollar təşkil edib ki, bu da indiyə qədər rekord göstəricidir və 2021-ci ildəkindən 46% çoxdur. Bundan əlavə, “Aramco” rüblük dividendlərini 4% artıraraq 19,5 milyard dollara çatdırdığını açıqlayıb.
Şirkətin 2022-ci il üçün tam maliyyə hesabatı 13 mart bazar ertəsi günü açıqlanacaq.
Poliqon.info