Tbilisidə etiraz aksiyası davam edir - Yenilənib,Foto
APA-nın Tbilisi müxbiri xəbər verir ki, aksiyaçılar "Rusiya qanununa yox", "Yaşasın Gürcüstan" şüarları səsləndirirlər.
Aksiyanın təşkilatçıları vətəndaşları sabah saat 11:00-da yenidən parlament binası yaxınlığına toplaşmağa çağırıblar. Etiraz aksiyası ilə əlaqədar parlament binasının yaxınlığına avtobuslarla xüsusi təyinatlı polis qüvvələri cəlb edilib.
***
Gürcüstan parlamenti qarşısında keçirilən etiraz aksiya zamanı saxlanılmış etirazçılar azadlığa buraxılıblar.
APA-nın Tbilisi müxbiri xəbər verir ki, məlumatı Gürcüstan DİN yayıb. Bildirilib ki, aksiyalar zamanı saxlanılan 133 nəfərdən 132-si azadlığa buraxılıb.
Qeyd edək ki, hazırda parlament binası qarşısında keçirilən genişmiqyaslı aksiya davam edir. Rustaveli prospektinə toplanan minlərlə Gürcüstan vətəndaşı ölkə hakimiyyətinə qarşı müxtəlif şüarlar səsləndirirlər.
***
Tbilisidə etiraz aksiyalarında saxlanılanların hamısı sərbəst buraxılıb.
APA-nın xəbərinə görə, bu barədə Gürcüstan Daxili İşlər Nazirliyi məlumat yayıb.
##galery##
Poliqon.info