Twitter-in yaradıcısı Maskla rəqabətə girib
Twitter-in keçmiş rəhbəri və şirkətin yaradıcılarından biri Cek Dorsi 2022-ci ilin sonunda sosial şəbəkə amerikalı iş adamı İlon Musk tərəfindən satın alındıqdan sonra, alternativ olaraq yeni sosial şəbəkə BlueSky-nı istifadəyə verib.
Poliqon.info xəbər verir ki, bu barədə TechCrunch web saytı məlumat yayıb.
Qeyd olunur ki, mikrobloq xidməti dəvət sistemi ilə işləyir, yəni yalnız qeydiyyatdan keçmək təklifi ilə məktub alan İstifadəçi hesab yarada bilər. Bu, onlayn söhbətlər aparmaq üçün olan Clubhouse tətbiqinin qeydiyyat sisteminə oxşayan bir sistemdir.
Hal-hazırda, tətbiq yalnız App Store-un yalnız iOS mağazasında mövcuddur və istifadəçilərin sayı iki min nəfərdən çox deyil. Dorsey BlueSky-ni sosial şəbəkələr üçün açıq, mərkəzləşdirilməmiş bir standart kimi xarakterizə edib.
Sosial şəbəkə açıq standart Authenticated Transfer Protocol üzrə fəaliyyət göstərir. BlueSky, Twitter tərəfindən fərqli layihə olaraq yaradılmışdır. Bildirilir ki, sosial şəbəkə Maska satılana qədər Twitter-dən maliyyə alıb.
Skrinşotlara əsasən, tətbiq Twitter-ə çox bənzəyir. İstifadəçilər 256 simvol məhdudluğu ilə qısa mesajlar göndərmək və şəkillər əlavə etmək imkanına malikdirlər.
Poliqon.info