Putinin dostu şahzadə Uilyamın uşaqlarının oxuduğu məktəbə sponsorluq edib
Rusiyalı milyarder Arkadi Rotenberq hazırda Britaniya taxtının vəliəhd cütlüyü Şahzadə Uilyam və Keyt Middltonun uşaqlarının oxuduğu Britaniya özəl məktəbi Lambrook School-da 2,2 milyon funt-sterlinq dəyərində hovuzun əsas sponsorlarından biri olub.
Poliqon.info xəbər verir ki, bu barədə The Sun tablodinin məlumatında bildirilib.
Rotenberqin keçmiş həyat yoldaşı Natalia The Sun-a bildirib ki, onun iki övladı Lambrookda oxuyarkən təhsil müəssisəsinin yenidənqurulması üçün on minlərlə funt ianə verib. Nəşr yazır ki, ehtimal ki, bu tarix 2013-cü ili əhatə edir. Həmin vaxt Rottenberqlər hələ boşanmamışdılar.
Lambrook məktəbindən The Sun-a bildiriblər ki, onların müəssisəsi hər hansı xeyriyyə töhfələrinin qanuniliyinə ciddi nəzarət edirlər.
Qeyd edək ki, Arkadi Rotenberq hələ 2014-cü ildə Aİ, ABŞ və Böyük Britaniya sanksiyalarına məruz qalıb. Sonradan Avstraliya, İsveçrə, Kanada, Ukrayna, Yaponiya və Yeni Zelandiya siyahılarına daxil edilib.
Poliqon.info