Niderland Rusiyanın Şimal dənizində təxribat hazırlığı ilə bağlı xəbərdarlıq edib
Poliqon.info xəbər verir ki, bu barədə Financial Times Niderlandın Kəşfiyyat İdarəsi hesabatına istinadən məlumat yayıb.
Kəşfiyyat məlumatlarına görə, Rusiya Şimal dənizində sualtı kabellər, külək stansiyaları və qaz kəmərlərində casusluq və təxribata hazırlıqla məşğuldur.
MIVD-nin rəhbəri general Yan Svillens mətbuat konfransında bildirib ki, son aylarda Şimal dənizində enerji infrastrukturunun xəritəsini çəkməyə cəhd edən bir gəmi aşkar edilib. Svillensin sözlərinə görə, gəmi Niderland donanmaları və Sahil Mühafizəsi tərəfindən müşayiət olunduğundan tapşırığı yerinə yetirə bilməyib.
Kəşfiyyat dəniz infrastrukturu operatorlarına təhlükəsizlik və davamlılıq tədbirlərini gücləndirməli olduqlarını söyləyib.
Qeyd edək ki, sentyabrda Baltik dənizində “Şimal axını 1” və “Şimal axını 2” qaz kəmərlərinin dörd qolundan üçü partladılıb. İsveç və Danimarkadakı təhqiqat hələlik partlayışlarla bağlı araşdırmanın nəticələri barədə məlumat verməyib. Rusiya anqlo-saksonları təxribatda ittiham etdi. Alman və Polşa siyasətçiləri partlayışları Rusiyanın təşkil edə biləcəyini güman ediblər.
Partlayışlardan qısa müddət sonra Vladimir Putin enerji obyektlərində növbəti təxribatın mümkünlüyünü istisna etməyib.
“İndi dünyanın hansı hissəsində yerləşməsindən, ona kimin nəzarət etməsindən, dənizin dibində və ya quruda, quruda olmasından asılı olmayaraq istənilən kritik nəqliyyat, energetika və ya kommunikasiya infrastrukturu obyekti təhlükə altındadır”, deyə Rusiyanın prezidenti bildirib.
Poliqon.info