Cozef Baydenin Ukraynaya səfəri başa çatıb - Yenilənib
“Report” xəbər verir ki, məlumatı CNN yayıb.
Birləşmiş Ştatlar liderinin Kiyevdən Polşaya yola düşdüyü bildirilib.
Xatırladaq ki, C.Bayden fevralın 20-də gözlənilmədən Kiyevə səfər edib. O, Ukrayna Prezidenti Volodimir Zelenski ilə görüşüb.
***
ABŞ Prezidenti Co Bayden Ukraynaya səfər edib.
Bu barədə “Bild”in jurnalisti Yulian Repke “Twitter” hesabında paylaşım edib.
“Bayden Kiyevdədir. Bu, Putin üçün nə qədər güclü işarədir”, - deyə Repke qeyd edib.
Bundan başqa rusiyalı hüquq müdafiəçisi Mark Feyqin də məlumat verib. “Bayden Kiyevdədir”, - deyə vurğulayıb.
Qeyd edək ki, fevralın 20-dən 22-dək ABŞ Prezidenti Co Baydenin Polşaya səfəri planlaşdırılırdı. Belə ki, fevralın 21-də onun Polşa Prezidenti Anjey Duda ilə görüşü gözlənilir.
Həmçinin Ukrayna xarici işlər naziri Dmitri Kuleba Brüsselə səfərini ləğv edib.
Eyni zamanda “Flightradar”a istinadən monitorinq kanalları xəbər verir ki, Polşa və Ukrayna sərhədi boyunca ABŞ-nin strateji kəşfiyyat təyyarələri uçur.
Ukrayna Prezidenti Volodimir Zelenski Baydeni salamlayıb.
O, bu barədə “Twitter” hesabında paylaşım edib. “Cozef Bayden, Kiyevə xoş gəlmisiniz! Sizin səfəriniz bütün ukraynalılar üçün son dərəcə mühüm dəstək nümayişidir”, - deyə Ukrayna Prezidenti qeyd edib.
***
Nə Prezident Adminstrasiyası, nə Ali Rada, nə də Qərb mediası hələ ki, bunu rəsmən təsdiqləməyib.
Poliqon.info xəbər verir ki, Ukrayna mediası bloqqer Mark Feyqinə istinadən bir-birinin ardınca Baydenin artıq Kiyevdə olduğunu elan edir.
Bu gün Ukrayna mənbələrində Kiyevdə “hörmətli qonaqların səfəri” səbəbindən nəqliyyatın hərəkəti məhdudlaşdırılıb və sosial şəbəklərdə küçələrin bağlanması ilə bağlı foto və videolar peyda olub. Bununla bağlı Ali Radanın üzvü Dubinski bildirib ki, BVF-nin direktoru Kristalina Georgiyevanın gəlişi ilə əlaqədar paytaxtda yollar bağlanıb. Eyni zamanda, Ukrayna xarici işlər nazirinin müavini Andrey Melnik Kiyevdə “ölkənin əsas tərəfdaşlarının” olması ilə bağlı mediada fəal şəkildə açıqlamalar yayır.
Ukrayna mediası bloqqer Mark Feyqinə istinadən bir-birinin ardınca Baydenin artıq Kiyevdə olduğunu elan edir. Bununla belə, Qərb mediası belə məlumatı təkzib edib Politico-nun məlumatına görə, Co Bayden bu gün Polşaya uçur, amma Ukraynaya onun ora səfəri nəzərdə tutulurdu. Nəşr yazır ki, “çox yüksək təhlükə” səbəbindən tezliklə ABŞ prezidentinin Ukraynaya səfəri təxirə salınıb.
Bu arada, Flightradar24 portalı artıq Polşa və Ukrayna sərhədi üzərində ABŞ-ın üç kəşfiyyat təyyarələrinin uçuşunu qeydə alıb.
Poliqon.info