İndoneziyada separatçılar təyyarənin pilotunu və sərnişinlərini girov götürüblər
İndoneziyanın Mərkəzi Papua əyalətinin Nduqa rayonundakı Paro hava limanında Susi Air təyyarəsinin yandırılması və onun pilotu və beş sərnişininin girov götürülməsinə görə məsuliyyəti silahlı separatçı “Azad Papua” qruplaşması öz üzərinə götürüb.
Poliqon.info xəbər verir bu barədə İndoneziyanın "Republika" nəşri məlumat yayıb.
Qəzetin məlumatına görə, silahlı qruplaşmanın nümayəndəsi Sebbi Samom hakimiyyətlə və jurnalistlərlə əlaqə saxlayıb. O, baş “Azad Papua” qruplaşmasının işi olduğunu təsdiqləyib və bir sıra tələblər irəli sürüb.
Separatçıların əsas tələbləri arasında İndoneziya silahlı qüvvələrinin bölgədəki əməliyyatının dayandırılması və Papuaya müstəqillik verilməsi də var.
Qeyd edək ki, aviaşirkətin məlumatına görə, RK-BVY təyyarə yerli vaxtla saat 6:26-da Paro hava limanına enib, bundan sonra təyyarə ilə əlaqə kəsilib. Təyyarəni Yeni Zelandiya vətəndaşı idarə edib.
Poliqon.info