Türkiyəni NATO-dan çıxarmaq niyə mümkün deyil?..
PİA.az xəbər verir ki, İsveçin nüfuzlu Dagens Nyheter qəzeti NATO-nun Türkiyəni niyə tərk edə bilməyəcəyinə dair məqalə dərc edib.
Məqalə müəllifi NATO-nun Türkiyəni alyansdan çıxarmamasının 4 səbəbini göstərir:
1. Hüquqi məsələ. NATO-nun nizamnaməsində hansısa bir ölkəni necə xaric etmək barədə heç nə yoxdur. Məsələ bunun mümkün olub-olmamasıdır.
2. Ölkənin coğrafi mövqeyi və ölçüsü. Türkiyə strateji cəhətdən mərkəzdə Rusiyanın cənub sərhədində yerləşir və Aralıq dənizi ilə Qara dənizi birləşdirən Bosfor boğazına nəzarət edir. Qara dənizdə rusların hərbi dəniz bazası yerləşir və Qara dəniz hövzəsi NATO üçün çox dəyərlidir.
3. Türkiyə NATO-dan çıxarılarsa, tamamilə Rusiyanın tərəfinə keçəcək. Bu, Rusiyaya strateji hədiyyə olardı və bütün transatlantik əlaqəni zədələyərdi.
4. “Türkiyə NATO-nun təsisçi ölkələrindən biridir. Ərdoğan hazırda digər üzv dövlətlərin başağrısı yaratsa da, o, əbədi olaraq mövcud olmayacaq. Yadda saxlamaq lazımdır ki, Türkiyə alyansın üzvüdür, prezident deyil. Türkiyə NATO üçün “əlverişsiz” olsa da, münaqişə zamanı Bosfor boğazını Rusiya hərbi gəmiləri üçün bağlayaraq və Ukraynaya pilotsuz təyyarələr göndərməklə Ukraynanı dəstəkləyib.
Məqalədə qeyd edilir ki, Türkiyə mürəkkəb oyun oynayır. ABŞ həqiqətən də Türkiyənin siyasətini dəyişmək istəyir və ölkədə başqa liderin peyda olacağına ümid edir.
pia.az