Yeltsinin gündəlik “paxmel” vəziyyəti Vaşinqtonun probleminə çevrilibmiş...
PİA.az xarici mətbuata əsasən xəbər verir ki, Buşun prezidentliyi dönəmində Rusiya prezidenti Boris Yeltsinin həddindən artıq içərək “paxmel” olması Vaşinqtonun davamlı problemləri arasında yer alıb.
ABŞ dövlət arxivindən yayımlanan sənədlər görə, ata Corc Buşun prezidentliyi dövründə Rusiyanın birinci prezidenti Boris Yeltsinin səhhəti ilə bağlı Ağ Evə probleçli məlumatlar daxil olub. Sənədlərdə qeyd olunur ki, 1992-ci il yanvarın 27-də Yeltsin planlaşdırdığı silahlara nəzarət haqqında toplantıda çıxış etməyib və Yaxın Şərq üzrə çoxtərəfli danışıqların açılışında olmayıb.
ABŞ səfirliyinin stenoqrammasında deyilir ki, Moskvadan prezidentin niyə toplantılara qatılmadığı ilə bağlı maraqlı açıqlama verilib. Kremldən bildirblər ki, prezident Yeltsin “paxmeldən müalicə olunur”. Stenoqrammada həmçinin bildirilir ki, bu, Yeltsin üçün “adi bir haldır”.
“Yeltsin keçən həftəsonu ağır içki məclisindən sonra müalicə alırdı, deyə planlaşdırılan çıxışını ləğv etdi. Bu onun üçün gündəlik problem idi”, deyə sənəddə bildirilir.
ABŞ Yeltsinin 1992-ci ildə Kemp Deviddə Corc Buşla apardığı danışıqların stenoqramını da dərc edib. Rusiya lideri söhbət zamanı Ukraynanı sabitliyi pozan əsas amil adlandırıb. Bundan əlavə, Rusiya prezidenti qeyd edib ki, Ali Radada millətçi baxışlı deputatlar var.
Milli Təhlükəsizlik Arxivinin məlumatına görə, ABŞ və Rusiya rəhbərliyinin nümayəndələrinin demək olar ki, bütün söhbətlərində Ukrayna ilə münasibətlər mövzusuna toxunub.
pia.az