Brüssel hələ də Londonla razılıq əldə edə bilmir…

Avropa Komissiyasının rəhbəri bildirib ki, Britaniya ilə Brexit razılaşması hələ əldə olunmayıb…

Avropa Komissiyasının sədri Ursula fon der Leyen fevralın 1-də bildirib ki, Böyük Britaniya və Aİ arasında Brexit-dən sonrakı münasibətlərə dair dialoq konstruktiv şəkildə davam edir, lakin hələ də razılıq əldə olunmayıb.

PİA.az xəbər verir ki, bu barədə The Journal nəşrinin məlumatında bildirilir.

“Siz prinsipi bilirsiniz: hər şey yalnız sonda müzakirə olunur, nəticənin nə olduğunu biləndə yekun imzanı qoyursunuz” deyə Avropa Komissiyasının rəhbəri tərəflərin mövqelərinin nə dərəcədə yaxın olduğunu söyləməkdən imtina edib.

“Bəzi elementləri paylaşa bilmərəm, çünki paketin nəyə bənzədiyini heç vaxt sona qədər bilmirsən, amma dediyim kimi, bunlar çox konstruktiv danışıqlardır”, deyə fon der Leyen bildirib. O, qeyd edib ki, tərəflər arasında fikir ayrılıqları hələ də kifayət qədər böyükdür və ziddiyyətlərin, aradan qaldırılması üçün danışıqlar davam edir.

Qeyd edək ki, Aİ ilə London arasında razılaşmanın əldə olunduğu barədə daha əvvəl yayılan xəbərlər Britaniya Xarici İşlər Nazirliyindəki mənbə tərəfindən təkzib edilmişdi.

pia.az