Roqozin qisas almaq üçün “Roskosmos”un imkanlarını səfərbər edib…
Dmitri Roqozin Donetskdə restoranda ölən iki dostunun qisasını almaq üçün cəbhəyə qayıtmağa hazırlaşır.
PİA.az xəbər verir ki, bu barədə Rusiya mətbuatı məlumat yayıb.
“Roskosmos”un keçmiş rəhbəri Dmitri Roqozin dekabrın 21-də Donetskdəki “Şeş-beş” restoranında ad gününü qeyd edərkən ağır yaralanıb. Bir ay sonra o, cəbhəyə qayıtmaq və restoranda ölən dostlarının “intiqamını” almaq niyyətini açıqlayıb. Roqozinin dediyinə görə, o, “Roskosmos”dan peyk şəkllləri alıb və bu, şəkillər ona atəşin məhz hansı silahdan və hardan atıldığını müəyyən etməkdə kömək edəcək.
“Bizə atəş açan döyüş silahını və heyətini izləməyə davam edirik. Ümid edirəm ki, mən qayıdanda onlar tapılıb məhv ediləcəyik”, deyə Roqozin bildirib.
Roqozin həmçinin mühafizəçilərin müşayiəti olmadan döyüşə yollandığını iddia edib. Restoranda ölən şəxslərin onun çoxdankı dostları və az qala ailə üzvləri olduğunu bildirib.
Xatırladaq ki, Roqozin restoranı vurarkən başından, ombasından, qasıq nahiyəsindən və bud nahiyəsindən xəsarət alıb. Vəziyyəti ağır olduğu üçün Moskvaya aparılıb və orada əməliyyat olunub.
pia.az