Yunanıstanın sonuncu kralı II Konstantin Afinada vəfat edib
PİA.az xəbər verir ki, Yunanıstanın Newsbomb xəbər portalının məlumatına görə, Yunanıstanın keçmiş kralı II Konstantin Afinada vəfat edib. İnsult keçirən monarx ağır vəziyyətdə xəstəxanaya çatdırılıb.
Kralın son günlərində xəstəxanada onun yanında həyat yoldaşı danimarkalı Anna-Mariya, uşaqları və bacısı olub.
II Konstantin keçmişdə daha bir insult keçirib və 2021-ci ilin dekabrında keçmiş monarx COVID-19 infeksiyası səbəbiylə xəstəxanaya yerləşdirilib və ona pnevmoniya və ağciyər ödemi diaqnozu qoyulub. Son illər Kontantinin hərəkətində də problemlər olub və əlil arabasına edib.
II Konstantin 1940-cı il iyunun 2-də Afinada anadan olub, Yunanıstanın sonuncu kralı və hakimiyyətdə olan son pravoslav monarxıdır. 1967-ci ildə “qara polkovniklərin” faşist tərəfdarı olan xunta hakimiyyətə gəldikdən sonra Konstantin radio vasitəsilə xalqı üsyana çağıraraq onlara qarşı çıxmağa cəhd edib. Lakin o, xalqdan dəstək almamış, ölkəni tərk etmək məcburiyyətində qalmışdı. Uzun illər boyu Romada yaşayıb.
1973-cü ildə referendumdan sonra Yunanıstanda monarxiya ləğv edildi və respublika elan edildi. Hərbi diktatura devrildikdən sonra demokratik hökumət ikinci referendum keçirdi və bu referendum xalqın monarxiyanı bərpa etməmək iradəsini bir daha yenilədi.
Konstantin heç vaxt bu referendumları tanımayı və heç vaxt rəsmi olaraq taxtdan imtina etməyib.
pia.az