Həbs cəzasından qurtulan Ronaldo təzminat ödəyəcək
PİA.az Mint and Besocce-yə istinadən xəbər verir ki, dünyaca məşhur portuqaliyalı superulduz Kristiano Ronaldo daha əvvəl vergidən yayındığı üçün həbs cəzasına məhkum edilmişdi. Bu qərarla bağlı yeni bir xəbər gəlib.
Mint and Besoccer-də çıxan xəbərə görə, vergidən yayındığı üçün 23 ay həbs cəzası alan Kristiano Ronaldo həbsdən qurtulsa da, cəza olaraq 3,57 milyon avro ödəyəcək.
2019-cu ildə 23 ay həbs və 18,8 milyon avro cəza alan Ronaldo 365 min avroluq cəriməni dərhal ödəyəcək. Portuqaliyalı futbolçu əlavə olaraq 3,2 milyon avro da ödəməlidir.
5 dəfə “Qızıl top” mükafatını alan və dünyanın ən yaxşı futbolçuları arasında göstərilən Ronaldo 2010-2014-cü illər arasında Real Madrid-də oynayarkən 14,75 milyon avroluq vergidən yayınmaqda ittiham olunurdu.
Körpəsini itirən Kristiano Ronaldonun həyatında fəlakətlər zənciri yaşanır. Mançester Yunayted-də əvəzedici oyunçu kimi qalan və klubdan problemli şəkildə yola salınan Ronaldo dünya çempionatının 1/4 finalında uzaqlaşdırıldı. Ronaldonun əvəzedicidə qaldığı Portuqaliyada baş məşqçi Fernando Santos da işini itirib. 37 yaşlı futbolçunun bənzədildiyi Messi Dünya Çempionu olub və yarışda bir addım irəliləyib. Ronaldo isə hələ də klubsuz qalıb.
pia.az